"Wey yuh come from"....Version #2



Firstly, Trinbago people does claim dey is unified and one, buh we still like to identify we as from different quarters of de country.... Hence:
 
Yuh know you from South:

1)yuh get blank at least once from a club...
2)yuh still waitin fuh cable...
3)yuh "pull bull" on ah Friday night already...
4)yuh have chickens and goats as pets...
5)yuh always lookin to fight in ah fete...
6)yuh does still wear rubber slippers...
7)yuh believe Gulf City is de most happenin place...
8)yuh swim to school at least once already after a flood...
9)yuh father woking in de oil field...
 
Yuh know yuh from North:

1)yuh not exactly sure where San Fernando is...
2)anything after Nestle is country .........
3)yuh hobbies is surfing and spear fishing....
4)yuh cyar handle pepper...
5)yuh buy yuh driver's licence...
6)yuh never get blank from a club...
7)yuh father does go Coconuts...
8)yuh doh have ah sexual preference...
9)yuh does talk wid a foreign accent...
 
Yuh know yuh from Central:

1)yuh have a hammock in every room in yuh house...
2)yuh biggest dream is to join a rock band...
3)yuh nearest neighbour livin three miles away...
4)yuh have ah autographed Chris Garcia poster...
5)yuh try drinking rubbin alcohol already...
6)yuh tink Play Whe is de best ting dat ever hit Trinidad...
7)yuh feel Couva should be made a city...
8)yuh know someone personally who drink Gramoxone...
 
Yuh know yuh from the East-West corridor area:

1)yuh push drugs at least once...
2)yuh does get yuh car parts from de Bamboo...
3)yuh know Sharlene Boodram personally...
4)yuh know all de Punch girls personally...
5)yuh father own a maxi...
6)yuh playing all fours since yuh four years old...
 
We cyah fuhget 'Bago now! Yuh know yuh from Tobago and NOT Trinidad:

1)yuh forehead have dat "natural shine" ...
2)yuh have ah aunt name Jean ...
3)yuh does walk wit soap and shampoo to de beach...
4)yuh first choice was Signal Hill...
5)yuh sister is six foot tall...
6)yuh favourite food is KFC...
7)yuh favourite airline is BWEE (Caribbean Airlines)...



This site uses frames, if you do not see frames (menu on the left) click here.
Page maintained by www.tntisland.com, Copyright © 1996-2024 Last Revised: 06/01/2024.