| "Whah de school wah meh for? Steups! Dey only keep calling meh all de time fuh nutten! dem eh know I eh hah no time! Ah hah tuh wuk hard tuh mind and feed four chiwren, pay rent, come home cook, wash and iron and plus dat ah hah tuh buy clothes, books, bus tickets and gih dem chiwren money fuh school. Jes tuh teach dem yuh mean dem teacher kyah do dat! Steups! Whey dey tink dey gehing pay for - tuh call o' send home notice tuh de parent everytime some lil ting go wrong? |
| All yuh chiwren come here! All ah allyuh! Whah it is going on in de school? How come de school wah tuh see me so? Allyuh does go tuh school and behave properly and do allyuh wuk and stay outta trouble? I jes hope allyuh eh giving no problem in de school yuh know? Becaw is me and allyuh. an allyuh know I doh bite nice! |
|
I going tuh see de teacher in person
tomorrow and have ah good
talk wid she tuh find out whah really going on!
And allyuh better not lemme hear nutten bad
bout none ah allyuh, whey yuh dun see ah
missing ah whole day pay jes fuh dis!
Allyuh hear meh!
Now go in allyuh romm and pick up ah book!"
So study yuh head now! |