Yuh know yuh is a real Trini when ... ver.3



Yuh know yuh is a real Trini when:

1. Yuh fadduh does buss out all dem old Parang tapes fuh Christmas!

2. Yuh call everybody "Dread" whether or not they actually are one.

3. Yuh know what a "grip" is and struggle to keep it under 70 lbs. when yuh goin` back home.

4. Yuh know dat to "cuff" and "box" are fightin adjectives.

5. Yuh call every bee, wasp, or hornet a "jaxspaniard".

6. Yuh pronounce San Juan: "Sah-Wah"

7. Yuh tired of hearin "Who let da dogs out?" cause yuh know de original by Anslem is de REAL thing.

8. Yuh know not to call any big gyul "mampie".

9. Old dub like "Ram-Ram" brings back some special memories.

10. When yuh leave yuh does "ride out" and yuh coming back "in a timing."

11. Yuh put salt on every citrus fruit yuh eat to make it sweeter.

12. Yuh can avoid potholes with true skills.

13. Yuh grow up on Klim, Milo, Horlicks or Ovaltine.

14. Speaking of that, yuh remember eating Ovaltinees, Smarties, Catch bars 'and Cheers candy?

15. Every carbonated beverage is called a "sweet drink"

16. A good lime is not edible.

17. "A beer is a....." (fill in the rest)

18. Yuh have at least one BWEE story to tell.

19. Yuh know what kind of pants are "totee squeezuhs" and "bamsee squeezuhs"!

20. Roti is good, but "buss-up-shut" and a good curry or stew is even bettuh!

21. You, yuh mudduh, or yuh Tantie have a big maco iron pot somewhere.

22. Yuh can finish dis old kaiso: "If Trinidad was a boat...."

23. Yuh don`t call it "Avocado", yuh call it...

24. Yuh say "tree" fuh #3.

25. "Donkey's years" means a very long time.

26. A cockset has nutting to do wit chicken or sex, only with mosquitos.

27. Yuh clap with everybody else when de BWEE plane finally land in Port of Spain.

28. Yuh put two verbs together to make something edible: "fry" and bake".

29. Yuh know what a bouf is and can dish out one better than anybody.

30. Crix and cheese taste good fuh breakfast.

31. "Yuh want a piece of ______ for Christmas..."

32. Yuh call yuh darlin' "choonk-a-loonks", "doux-doux" or "mammy nice chile."

33. B.W.I.A. stands fuh plenty of different tings.

34. Yuh can get vex and dig no horras at de same time.

35. Yuh fraid de mocojumbie and soucouyant when yuh was small.

36. Yuh get vex when de barber zug-up yuh head.

37. Yuh can take a fruit like mango and curry it.

38.Yuh catch de "..itis" aftuh yuh eat Sunday lunch and get lazy like a macajuel.

39. Yuh know dis sayin: "Crapaud smoke yuh pipe!"

40. Someone in yuh family like Mauby or ginger beer even if you don't.

41. Anybody who is in a hurry is a Russian.

42. If yuh sitting badly ladies, den yuh skin up like yuh in Skinner Park.

43. Yuh put battries (bat-trees)in a torchlight.

44.Fellas, yuh beat at least one man fuh talking bad about "yuh brands," "benning too much," "wetting yuh with he Carib" or "watching yuh hard".

45. Gyuls, yuh bad talk at least one gyul just cause "yuh doh like she head nah".

46. Any garbage can is call a dustbin.

47. Yuh can handle any kinda cutlass easy.

48. Yuh put goat mout on somebody once.

49. Yuh mudduh and fadduh raise yuh with broughtupsy.

50. Yuh fadduh give yuh one calpet in yuh head when yuh was young.

51. Yuh have an uncle dat like to give fatigue.

52. Yuh hate when dey dish out de pelau bub-bun.

53. Yuh have rhythm and could wine down and back up.

54. Somebody standing behind yuh once ask yuh if yuh fadduh is a glass-maker.

55. Yuh know what coki-eye is.

56. Yuh call it a car park instead of parking lot.

57. De Quay-zay always busy 24/7 and smellin founkie and fresh from de market smells.

58. Yuh get sick once, from suckin too much salt prune.

59. Yuh doh like Tabanca. (guys AND gyuls!)

60. When yuh was a chile, yuh get rub dong with Vicks and swallow it (and know somebody who still does it, too).

61. Yuh doh go to de movies, yuh go to cinema or theata.

62.These two sayings mean de same ting: "Two man-rat cyah live in de same hole" and "Two bad jumbie nevuh walk fuh long."

63. Yuh cyah stand soup dat cold like dog nose. And it must have enough dumplin and ting.

64. Back in de day, yuh mash dong de place with Footsteps, Got something and waved, flex out to Taxi and Tambu ...or yuh running to take cover from de Toro Toro bachannal!

65. Yuh know dat monkey damn well know what tree to climb.

66. Yuh ask Mr. Bissessar to roll up de tassa.

67. De best part of dollar wine is "gimme big money wine..."

68. Yuh call him constable and yuh fraid when "he come to show what police can do!"

69. Yuh always ask: "Buh whey de gravy??"

70. Yuh say peas an rice...not rice an peas.

71. In school dances, when they say "all virgin put up yuh han'" everybody han'in de dance up and your han' up high, regardless of your sexual status.

72. Yuh on time when yuh get dey, and yuh leavin when yuh ready to go.

73. A flag is fuh wavin, not fuh flyin on a pole.

74. Gyuls wear "pum-pum shorts", not "cut-offs" or "daisy dukes".

75. Chinese Laundry is a person, not a laundromat owned by a chinese man.

76. A roti and doubles beats an "extra value meal" any day.

77. Yuh friends always mamaguy yuh.

78. Yuh can make punch from peanuts.

79. Yuh belly does start gripin yuh, fuss yuh hungry.

80. Yuh love to hang somebody jack and get tree points.

81. Yuh prefer Peardrax, Big Red, Cydrax and any Solo to Coke, Pepsi, Sprite, and Sunkist.

82. Yuh nearly bonxs down a pothound dog at least once back home.

83. De best mangoes are named "Julie"

84.Yuh done bathe at two points: Pigeon and Crown.

85. Yuh does drink a dozen Chubby and like yuh still tusty.

86. Horn have nutting to do with motocar, buh when yuh get it, is real presah, yes!

87. Yuh good friend is yuh paliwal.

88. If snake come out of bush an say "Snake dey"....He dey.

89. Yuh outside lime get spoil by one set of batchac or when rain fall.

90. "Kool-Aid? *cheups* Pass de palor-juice!"

91. De bone taste jus as good as de meat.

92. Yuh vex cause people always borrowing yuh good pyrex dish tuh "carry something home in" and then doh want tuh give it back.

93.Yuh always seem to meet someone yuh knew in secondary school or dey cousin went to school with you.

94. Yuh partner does throw ketchup all ova he/she pelau or pizza.

95. Yuh does start to cuss and get on when yuh have to wait too long fuh anyting.

96. "Haul yuh tail!" have nothing to with a moving truck....ENT??



This site uses frames, if you do not see frames (menu on the left) click here.
Page maintained by www.tntisland.com, Copyright © 1996-2024 Last Revised: 06/01/2024.